Century Times
इण्डियन प्रिमियर लिग (आईपीएल) मा आज दुई खेल हुँदैछन् ।
आज पहिलो खेलमा चेन्नई सुपर किंग्स र राजस्थान रोयल्स खेल्ने छन् । खेल नेपाली समयअनुसार अपराह्न पौने ४ बजे चेन्नईमा हुनेछ ।
जारी आइपिएलमा चेन्नई सुपर किंग्सका लागि प्लेअफमा आफ्नो स्थान बनाउन यो खेल जित्नैपर्ने अवस्था रहेको छ । हाल १२ खेलमा १२ अंक रहेको चेन्नई चौथो स्थानमा रहेको छ । आजको खेल हारेमा चेन्नईलाई प्लेअफको यात्रा कठिन हुनेछ । राजस्थान रोयल्स ११ खेलमा १६ अंकसहित दोस्रो स्थानमा छ ।
यसैगरी आजै हुने दोस्रो खेलमा रोयल च्यालेन्जर्स बैंगलुरु र दिल्ली क्यापिटल्सबीच प्रतिस्पर्धा हुनेछ । यो खेल नेपाली समयअनुसार राति पौने ८ बजे बैंगलुरुमा हुनेछ ।
दुवै टिमका लागि प्लेअफमा स्थान बनाउन यो खेल जित्नै पर्ने दबाब छ । जारी लिगमा बैंगलुरुको १२ खेलबाट १० अंक छ भने दिल्लीको १२ अंक रहेको छ ।
