Century Times
धनुषा निर्वाचन क्षेत्र नम्बर ३ बाट जनमत पार्टीका उम्मेदवार गोपाल प्रसाद साहले आफ्नो चुनावी प्रचार प्रसारलाई तीव्रता दिएका छन् ।
सोमबार उम्मेदवार साह नगराइन नगरपालिकाको विभिन्न स्थानमा पुगेर मतदाताका समस्या सुन्नुका साथै त्यसका समाधान खोज्नले प्रतिवद्धता व्यक्त गरे । उनले सोमबार नगराइन, लगमा फुलवारी टोल, गंगुली, नवटोली तथा राघोपुरमा पुगेर घरदैलो, भेटघाट र मतदातासँग प्रत्यक्ष सम्वाद गरेका हुन् ।
घरदैलोमा उम्मेदवार साहले तराई–मधेसको मुख्य आम्दानी स्रोत कृषि रहेको भन्दै राज्यले किसानसँग विभेद गर्दै आएको बताए । उनले जनमत पार्टी सधैं किसानको सम्मान र अधिकारको पक्षमा सक्रिय रहनेछ । खेतीलाई आधुनिकीकरण गर्दै व्यावसायीक बनाउन तथा आम्दानीको स्रोत बढाउने योजना हामीसँग रहेको उनले दावी गरे ।
उनले मधेस र देशको विकासका लागि उत्कृष्ट दृष्टिकोण जनमत पार्टी र डा. सिके राउतसँग मात्र रहेको भन्दै, मतदातालाई जनमत पार्टीमाथि विश्वास गरेर मतदानका लागि अपिल गरे ।
