Century Times
धनुषा निर्माण व्यवसायी संघको अध्यक्षमा पुनः अशोक चौधरी निर्वाचित भएका छन् ।
शनिवार जनकपुरधामको जनकपुरधाम उद्योग बाणिज्य संघमा भएको निर्वाचनमा मतदानबाट चौधरी २ सय ३९ मतका साथ विजयी हुँदा उनका निकटतम प्रतिद्वन्द्वी रमेश कुमार यादवले लोकप्रिय १ सय ७५ मत पाएका छन् ।
त्यसै गरि उपाध्यक्षमा जय प्रकाश साह (पप्पु) १ सय ३९ मत ल्याएर विजयी भएका छन भने उनका निकटतम प्रतिद्वन्द्वी विकास कुमार साहले १ सय १८ मत पाएका छन् । महासचिवमा रुपेश सिंह मुन्ना १ सय ३४ मत ल्याएर विजयी भए भने उनका निकटतम प्रतिद्वन्द्वीको रुपमा राजेश दास काले १ सय १ मत पाएका छन् । सचिवमा मनोज कुमार साह २ सय ८ र कोषाध्यक्षमा लक्ष्मण कुमार यादव १ सय ६४ मतका साथ विजयी भएका छन् ।
त्यस्तै सदस्यहरुमा राजिव कुमार साह २ सय ११, दिपक यादव १ सय ९८ र कमलेश कुमार जयसवाल १ सय ८४ मतका साथ विजयी भएका हुन ।
