Century Times
नेपाली मुस्लिम समाज सुनसरीले श्रीकृष्ण जन्माष्टमी मनाएको छ ।
सुनसरी सदरमुकाम इनरुवा नगरपालिका-३, राधाकृष्ण मन्दिरबाट निकालिएको रथयात्रालाई इनरुवा-२ मा जलसेवा सहित स्वागत तथा अभिनन्दन गर्दै मुस्लिम समाजले हिन्दुहरूको पर्वलाई थप हर्षोल्लासमय बनाएको हो ।
मुस्लिम समाज सुनसरीले श्रीकृष्णले दिएका प्रेम, सद्भाव र सहिष्णुताको शिक्षा आज पनि उत्तिकै सान्दर्भिक रहेको र धार्मिक विविधता नै नेपाली समाजको सुन्दर पक्ष भएकाले यसलाई सधैँ सुरक्षित राखी सम्मान गर्नुपर्ने जनाएको छ ।
