Century Times

झापामा एकैदिन १८ जना सशस्त्र प्रहरीलाई कोरोना पुष्टि

झापामा एकैदिन १८ जना सशस्त्र प्रहरीलाई कोरोना पुष्टि

झापा, साउन ९ । झापाका १८ जना सशस्त्र प्रहरीलाई शुक्रबार एकैदिन कोरोना संक्रमण पुष्टि भएको छ ।

पूर्वी नाका काँकडभिट्टाको सीमा सुरक्षार्थ खटिएका १८ जना सशस्त्र प्रहरीलाई कोरोना संक्रमण पुष्टि भएको हो ।

विराटनगरस्थित प्रादेशिक प्रयोगशालामा ४८ जनामा गरिएको कोरोना परीक्षणमा १८ जनामा संक्रमण देखिएको हो ।

पूर्वी नाकाको सुरक्षार्थ खटिएका सशस्त्र प्रहरीमा एकैपटक यति धेरै संख्यामा कोरोना संक्रमण देखिएपछि समुदायमा कोरोना फैलिएको हुनसक्ने आशंका गरिएको छ ।

नियमित काम गरिरहेका सीमा सुरक्षाकर्मीहरुमा नै कोरोना पुष्टि भएपछि काँकडभिट्टा क्षेत्रमा समुदायमा नै कोरोना फैलिनसक्ने भन्दै स्थानीय चिन्तित भएका छन् ।

तत्कालका लागि काँकडभिट्टा क्षेत्र ‘सिल’ गरेर ‘कन्ट्याक ट्रेसिङ’मार्फत् संक्रमणको जोखिममा परेकाहरुको खोजी गरी स्वाब संकलन गर्नुपर्ने काँकडभिट्टाका स्थानीयले माग गरेका छन् ।

यसअघि पनि दुईजना सशस्त्र प्रहरीलाई कोरोना संक्रमण पुष्टि भएको थियो ।

योसँगै झापामा कोरोना संक्रमितको संख्या ३४५ पुगेको छ ।

Leave a reply

Your email address will not be published. Required fields are marked *

भाषा परिवर्तन गर्नुहोस्

ट्याग्स

फेशबुक

विज्ञापन

विज्ञापन

फोल्लो गर्नुहोस्

Translate »