Century Times
उपप्रधान एवम् भौतिक पूर्वाधार तथा यातायातमन्त्री बनेर गृह जिल्ला पुग्दा नेकपा एमालेका सचिव रघुवीर महासेठलाई भव्य स्वागत गरिएको छ ।
जनकपुरधाम विमानस्थलमा उपप्रधानमन्त्री महासेठलाई एमाले नेता कार्यकर्ताहरूले १०१ किलोको मालाले स्वागत गरेका हुन् । महासेठ प्रभावशाली मन्त्री बनेकोमा नेता कार्यकर्ताहरू उत्साहित देखिए ।
महासेठको स्वागत चलिरहँदा एक युवक दही र माछाको भार (पाहुर) बोकेर पुगेका थिए । ती युवकले उनलाई माछा र दहीको टीका लगाए । एमालेका एक नेताका अनुसार कसैको नजर नलागोस् भनेर माछा र दहीको टीका उपप्रधानमन्त्री महासेठलाई लगाइएको छ ।
नेता महासेठलाई स्वागत गर्न आएका शुभचिन्तकहरुको भिडलाई नियन्त्रण गर्न स्थानीय प्रहरीलाई हम्मे परेको थियो ।
