Century Times
चुरे संरक्षणको मागसहित मधेश प्रदेशबाट सर्वसाधारणको एउटा समूह बिहीबार काठमाडौं आइपुगेको छ ।
चुरे अत्यधिक दोहनका कारण वनविनाश हुँदा मधेश प्रदेशसहित तराईका जिल्लामा पानीको हाहाकार भएका महिलाहरूसहितको एउटा समूह संघीय सरकारसँग गुहार लगाउँदै आएको हो ।
चुरेक्षेत्र संरक्षणसहित १२ बुँदे माग बोकेर सप्तरीदेखि पैदल यात्रा निस्किएको २३ जनाको टोली २५ औं दिनमा बिहीबार काठमाडौं आइपुगेको हो ।
उनीहरू गत वैशाख १७ सप्तरीबाट पैदल यात्र सुरु गरेर २५ औँ दिनमा काठमाडौं आइपुगेपछि माइतीघर मण्डलमा धर्ना बसेका छन् ।
गतवर्ष पनि यही मागसहित उनीहरू ११ दिन हिँडेर काठमाडौं आइपुगेका थिए ।
त्यसबेला भएको सहमति सरकारले पालना नगरेपछि आफूहरू फेरि आन्दोलनसहित झकझकाउन आइपुगेको उनीहरू बताएका छन् ।
