Century Times
नचिनेका मान्छेको समूहको गोली प्रहारबाट बाराको कलैयामा रहेको रामराजा मोहनविक्रम साह बहुमुखी क्याम्पसका प्रमुख हरिभूषण कुशवाहाको ज्यान गएको छ ।
आदर्शकोतवाल गाउँपालिका–२ खजुरियाको पुर्ख्यौली घरबाट मोटरसाइकलमा कलैया फर्कने क्रममा आदर्शकोतवाल गाउँपालिका–३ बतरा गाउँको दक्षिणमा रहेका लंगहासन माई मन्दिर अगाडि कुशवाहामाथि गोली प्रहार भएको थियो ।
प्रहरीकाअनुसार दुई वटा मोटरसाइकलमा आएका चार जनाले कुशवाहाको बाटो छेकी पिँठ्यूमा एक राउण्ड गोली प्रहार गरी भागेका थिए । गोली लागि गम्भीर घाइते भएका कुशवाहाको उपचारका क्रममा वीरगञ्जको ब्योधा अस्पतालमा हिजो बेलुकी ज्यान गएको प्रहरीले जनाएको छ ।
घटनामा संलग्न भएको आशङ्कामा प्रहरीले दुई जनालाई पक्राउ गरेको छ ।
