Century Times

काठमाडौंलाई १८ विदेशी शहरसँग जोड्ने गरी १२ वायुसेवा कम्पनीले मागे उडान अनुमति

काठमाडौंलाई १८ विदेशी शहरसँग जोड्ने गरी १२ वायुसेवा कम्पनीले मागे उडान अनुमति

२० साउन, काठमाडौं । कोरोना महामारीको बीचमा सरकारले १ भदौबाट अन्तराष्ट्रिय वायुसेवा कम्पनीलाई व्यवसायिक उडानको अनुमति दिने घोषणा गरेको छ । सोहीअनुसार सोमबारसम्म एक दर्जन वायुसेवा कम्पनी तत्काल उडानका तयारी तयार देखिएका छन् ।

नेपाल नागरिक उड्डयन प्राधिकरणका उपमहानिर्देशक राजकुमार क्षेत्रीका अनुसार सोमबारसम्म १२ वटा कम्पनीले काठमाडौंलाई विभिन्न मुलुकका १८ शहरमा जोड्ने गरी उडान अनुमति मागेका छन् ।

यसमा स्वदेशी दुई कम्पनी नेपाल एयरलाइन्स र हिमालय एयरलाइन्ससमेत रहेका छन् । यसबाट कुन कम्पनीलाई कुन गन्तब्यमा कतिसम्म उडान अनुमति दिने भन्ने निर्णय भने भइसकेको छैन ।

अर्कोतर्फ सरकारले पहिलो चरणमा कुन कुन मुलुकबाट जहाज चढेर नेपाल आउन पाउने भन्ने समेत स्पष्ट नपारेका कारण प्राधिकरणले उडानको अनुमति भने दिइसकेको छैन । ‘यो कम्पनीहरुबाट आएको प्रस्ताव हो,’ उनले भने, ‘हामीले दिने अनुमति छलफलकै क्रममा छ ।’

सातामा १५८ वटा उडान गर्न अनुमति माग

सोमबारसम्म कम्पनीहरुले साताको कुल १ सय ५८ वटा उडानका लागि प्राधिकरणसँग अनुमति मागेका छन् । यसमध्ये सबैभन्दा धेरै नेपाल एयरलाइन्सले ५७ वटा उडानका लागि अनुमति माग गरेको छ ।

दोस्रो स्थानमा एयर अरेबियाले सातामा ३५ उडानका लागि अनुमति मागेको प्राधिकरणको तथ्यांकमा उल्लेख छ । हिमालय एयरलाइन्सले सातामा २१ उडानका लागि अनुमति मागेको छ ।

कुन एयरलाइन्सले कुन गन्तब्यका लागि मागे अनुमति ?  एयरलाइन्स गन्तब्यमाग उडान संख्या/साता टर्किस एयरलाइन्सइस्तानबुल१सलाम एयरमस्कट७इण्डगो एयरदिल्ली७चाइना साउदर्नग्वाङझाउ१एयर चाइनाछेन्दु१जजिरा एयरकुवेत२फ्लाई दुबइदुबई७हिमालय एयरलाइन्सचोङगिङ (१), दोहा (५)आवुधावी (४), दमाम (७) क्वालालाम्पुर (४)२१नेपाल एयरलाइन्सदिल्ली (१४), बैंलौर (३), मुम्बई (७), ग्वाङझाउ (३), दुबई (७), दोहा (७), क्वालालाम्पुर (७), नारिता (३), बैंकक (३) र हङकङ (३)५७मलेसिया एयरलाइन्सक्वालालाम्पुर५मालिन्दो एयरक्वालालाम्पुर१४एयर अरेवियाआबुधावी (७), सारजाहा (२८)३५

स्रोतः नेपाल नागरिक उड्डयन प्राधिकरण

साविकको तुलनामा २५ प्रतिशत मात्र उडान

प्राधिकरणका अनुसार १ भदौमा शुरु हुने उडानमा साविकको तुलनामा कम्तिमा २५ प्रतिशत मात्र उडानलाई अनुमति दिइनेछ । अहिले आएको माग अनुसार दैनिक झण्डै २३ उडानको माग छ ।

साविकमा त्रिभुवन विमानस्थलमा दैनिक औसतः ४ सय वटासम्म राष्टिय-अन्तराष्ट्रिय उडान-अवतरण हुने गथ्र्यो । त्यसमध्ये ९० वटासम्म अन्तराष्ट्रिय उडान-अवतरण हुने गरेको छ । तर, अहिले टर्मिनलमा भिडभाड नहोस भनेर केवल २५ प्रतिशत मात्र उडानलाई अनुमति दिइने उपमहानिर्देशक क्षेत्रीले जानकारी दिए ।

अन्तर्राष्ट्रियतर्फ एउटा जहाजका यात्रु टर्मिनलबाट बाहिर निस्किएपछि अर्को जहाजलाई अवतरणको अनुमति दिने गरी अनुमति दिइनेछ । प्रस्थानमा समेत सोही अनुसार व्यवस्थापन मिलाइने भएको छ ।

आन्तरिकमा ३३ प्रतिशत उडान अनुमति

उता, आन्तरिकतर्फ सबै वायुसेवा कम्पनीले उडान अनुमति पाउने छन् । तर, उनीहरुले पनि वाषिर्क उडान संख्याको केवल ३३ प्रतिशत उडान मात्र गर्न सक्नेछन् ।

अर्थात् एक दिनमा १ सय वटा उडान गर्ने कम्पनीले अब दैनिक ३३ वटा मात्र उडान गर्न सक्नेछन् । सोहीअनुसार कम्पनीहरुले उडानको तयारी गरेका छन् ।

यो व्यवस्थापन अनुसार बुद्ध एयरले दैनिक २१ वटा उडानको तालीका सार्वजनिक गरिसकेको छ । यति एयरले १२ र श्री एयरलाइन्सको भागमा दैनिक ८ वटा उडानको अनुमति मिल्छ ।

साना कम्पनीले समेत साविकको तुलनामा दैनिक ३३ प्रतिशतसम्म उडान गर्न सक्नेछन् । बुद्ध एयरले पहिलो चरणमा काठमाडौबाट पोखरा, भरतपुर, विराटनगर, भद्रपुर, जनकपुर, सिमरा, भैरहवा, नेपालगन्ज, धनगढी, तुम्लिङटार र सुर्खेतका लागि उडान गर्ने तालिका सार्वजनिक गरिसकेको छ ।

उक्त कम्पनीले विराटनगर-पोखरा र भैरहवा-पोखरा समेत उडान गर्नेछ । अन्य कम्पनीले भने आफ्नो उडान तालिका सार्वजनिक गरिसकेका छैनन् ।

Source:onlinekhabar

Leave a reply

Your email address will not be published. Required fields are marked *

 

भाषा परिवर्तन गर्नुहोस्

ट्याग्स

फेशबुक

विज्ञापन

विज्ञापन

फोल्लो गर्नुहोस्

Translate »