Century Times
गृह मन्त्रालयले बनाएको छानबिन समितिले अनुमति पत्र (लाइसेन्स) लिएर प्रयोग गरिएका हतियारको प्राविधिक परीक्षण गराउन सिफारिस गरेको छ ।
प्रमुख जिल्ला अधिकारी (प्रजिअ)बाट अनुमति पत्र लिएर खरिद गरिएका हतियार पनि घातक हुनसक्ने निष्कर्ष सहित समितिले त्यस्ता हतियारको प्राविधिक परीक्षण गराउन सिफारिस गरेकोछ ।
सहसचिव राजेन्द्रदेव पाण्डे नेतृत्वको समितिले सोमबार प्रतिवेदन बुझाउँदै सो सिफारिस गरेको हो । शंकास्पद हतियार नेपाली सेना वा सशस्त्रको प्राविधिक टिमबाट ‘भेरिफाइ’ गराउन भनिएको छ । अनुमति पत्र भएका हतियार अब प्रमुख जिल्ला अधिकारीहरूले सेना र सशस्त्र प्रहरी बलको हतियार विशेषज्ञ मार्फत परीक्षण गराउनुपर्ने छानबिन समितिको सिफारिस छ ।
अहिले देशभर करिब ३६ हजार अनुमति प्राप्त हतियार प्रयोगमा छन् ।
छानबिनबाट मेडिकल व्यवसायी दुर्गा प्रसाईंबाट प्रहरीले बरामद गरेको हतियार इजाजत दिन मिल्ने खालको नदेखिएको देखिएको छ । समितिले बुझाएको प्रतिवेदन गृह मन्त्रालयले अध्ययन गरिरहेको छ ।
