Century Times
सिरहाको मिर्चैयामा आगलागी भएको छ ।
बुधबार दिउँसो सिरहादेखि कल्याणपुर जाने बाटो निर्माणका लागि परिचालित कामदारहरुलाई बस्न बनाइएको टहरामा आगलागी भएको हो । खाना पकाउने ग्यास लिक भएर आगलागी भएको इलाका प्रहरी कार्यालय मिर्चैयाले जनाएको छ ।
आगलागीले मजदुरहको खाद्यान्न, लत्ताकपडा पैसालगायतका सामानहरु जलेर खरानी भएको छ । आगो नियन्त्रणमा आइसकेको छ ।
प्रहरीको प्रारम्भिक अनुसन्धान अनुसार करिब ३ लाख बढी रकम बराबरको क्षति भएको जनाइएको छ ।
