Century Times
जनकपुरधाम उद्योग वाणिज्य संघको अध्यक्ष पदमा उम्मेदवारी दिएका जितेन्द्रप्रसाद साहले आफूले उम्मेदवारी फिर्ता लिएको भ्रामक हल्ला फैलाइएको बताएका छन् ।
जउवा संघको नयाँ नेतृत्वका लागि उम्मेदवारी दिएका उम्मेदवारहरु प्रचार प्रसारमा व्यस्त रहेको समयमा साहले उम्मेदवारी फिर्ता लिएको हल्ला फैलाइएको थियो । उनले पत्रकार सम्मेलनमार्फत आफ्नो उम्मेदवारी कायमै रहेको र उम्मेदवारी फिर्ता लिएको झुठो हल्ला फैलाइएको बताए । उनले भने ‘मेरो उम्मेदवारीबाट हतास भएकाहरु मेरो विषयमा फैलाई रहेका छन्, निर्वाचनमा होमिनु अघि नै पराजय स्वीकार गरिसकेकाहरुको यस्तो भ्रामक हल्लाबाट म हल्लिनेबला होइन ।’ उनले मैले उम्मेदवारी फिर्ता लिएको भ्रामक हल्ला मात्रै नभई मेरा साथी मित्रहरुको हिम्मत तोड्नेगरी फोन कलहरु समेत आएको दावी गरे । साहले जनकपुरधाम उद्योग वाणिज्य संघ राजनीतिक शक्तिको हातमा हाइजैक भईरहेको दावी गरे यो पटक व्यापारीलाई जिताउन आग्रह गरे । उनले भने ‘जनकपुरधाम उद्योग वाणिज्य संघलाई राजनीतिक चंगुलबाट निकाल्न म जस्ता व्यापारीलाई नेतृत्वमा जिताउने विश्वास छ ।, मलाई जिताएर व्यापारीहरुलाई जिताउन चाह्नु हुन्छ वा राजनीतिक शक्तिलाई त्यो यहाँका व्यापारी साथीहरुको हातमा छ ।
